Oj bara..

Búin að liggja í rúminu síðan seinnipartinn í gær. Hausinn stútfullur af kvefi og með hósta á við stórreykinga mannaeskju :( Röddin er nú samt komin aftur en í gærkvöldi heyrðist bara eitthvað píp hljóð ef ég reyndi að tala.. Klaus til mikillar skemmtunar ;)
Vona að ég komist í skólann á morgun. Erum nefnilega akkúrat að vinna hópverkefni núna sem á að skila á mánudaginn. Þar að auki er ég með tvær vaktir að kaffihúsinu um helgina... ehemm.. ekki sú vinsælasta í þessari hópavinnu er ég hrædd um...

En næsta vika.. og aðallega helgin verður sko skemmtileg fyrir kaffinörda í Köben. Þá fer fram hið æsispennandi mót The Nordic Barista Cup!! Jeii! Þetta mót hefur áður verið haldið á Íslandi og í Noregi í fyrra og var alveg meiriháttar. Það eru fjórir í liði frá hverju landi og kaffibarþjónarnir vita ekkert hvað þau eiga gera fyrr en þau mæta á staðinn. Þetta mót snýst meira um að hafa gaman og hitta gott fólk og læra eitthvað nýtt heldur en að vinna.. Og aðallega bara enn ein ástæða fyrir þetta ferðasjúka kaffifólk að hittast og vera saman. Hin tvö árin var ég í íslenska liðinu.. núna er ég aðallega klappstýra fyrir bæði Ísland og Danmörku ( Klaus er í danska liðinu) og svo náði ég að díla mig frítt inn sem ljósmyndari.. hehe.. þetta er nefnilega ekkert ókeypis sko..! Útlendingarnir fara að tínast í bæinn á mán-þri og mið ( og maður þarf nú eitthvað að sósíalæsa með þeim).. svo byrjar þetta á fimmtudaginn og endar með dinner á NOMA ( ekkert slor) og 80's partýi á laugardaginn. Vona bara allt bragð og lyktarskyn verði komið í lag aftur.. ;)

jæja.. besta að reyna sinna þessu hópverkefni aðeins.. Allar óskir eða komment um betri líðan, vorkunn eða almennan söknuð eru vel þegnar hér á kommentasíðunni!!

sniff sniff,
sd

Sumar í september..

Fyrir utan að Klaus kom heim frá Nicaragua síðasta mánudag þá er mest lítið að frétta. Það var voðalega gott að fá hann heim og ferðin tókst mjög vel hjá honum. Til að byrja með var hann á kaffiráðstefnu í Managua þar sem hann hélt fyrirlestur og var með kaffibarþjónaþjálfun. Síðan heimsótti hann tvo kaffibúgarða. Og hann verður barasta heima í rúman mánuð áður en næsta ferðatörn byrjar! ;)
Það er nóg að gera í skólanum.. Við erum ca. 60 í bekknum.. flestir voru komnir í nett panikk í síðustu viku, yfir því að svona yrðu bara næstu þrjú árin hjá okkur; ekkert líf bara lestur! Hópverkefnin eru komin í gang núna líka.. ég er enn nokkuð róleg.. held að aldurinn vinni með mér núna því ég hef ekki alla þessa þörf fyrir að djamma og mæta í allt félagsprógrammið eins og þessar litlu elskur sem eru með mér í bekk ;) By the way.. ég er elst í bekknum!!! Það er reyndar smá möguleiki á að einn Bretinn sé jafngamall mér.. (andvarp!)

og svo að maður ræði nú aðeins veðrið.. sumarið er búið að vera með ágætis come back síðustu vikuna. Barasta bongóblíða og allt að 25 gráður suma dagana.. maður veit varla hvernig maður á að haga sér í svona stöðu..

en allavega.. lesturinn bíður,

sd

Heil og sæl..

Nú er ég búin að vera í viku í nýja skólanum og líst bara nokkuð vel á þetta. Önninni er skipt í tvær 7 vikna annir þannig að við erum bara í 2 fögum í einu og tökum svo próf í þeim í lok október. Næsta önn tekur svo strax við og próf aftur í desember. Ég held að þetta eigi bara mjög vel við mig þar sem allt lesefnið er á svolítið torskildri (að mínu mati) viðskiptaensku og því ágætt að geta bara einbeitt sér vel að tveimur fögum í einu. En þýðir víst ekkert að slaka á.. Lesefnið hellist yfir mann á hverjum degi og suma kennarana hef ég varla séð brosa ennþá :/ En skólinn er voða flottur.. ehhh.. sérstaklega ef miðað er við Höfðabakkann, þá ágætis skólastofnun. Ég kunni nú samt voða vel við mig þar..

Það markverðasta samt sem hefur gerst síðan síðast er hinsvegar stefnumót mitt við Sigrúnu og Maj-Britt síðastliðinn mánudag. ohh.. það var yndilegt ;) Mæbba var að millilenda í Köben yfir daginn þannig að Sigrún ákvað að skella sér líka yfir sundið frá Lundi. Við skelltum okkur í lunch á dýrasta kaffihúsi Kaupmannahafnar :/ Café Europa.. borðuðum góðan mat, drukkum hvítvín og slúðruðum af kappi hver ofan í aðra ;) Svo var rölt um nálægar götu en aðallega á milli annarra kaffihúsa til að fá sér meira hvítvín.. he he ;) Voða gott að fá vinkonurnar í heimsókn og er barasta endurnærð, nauðsynlegt að eiga svona stelpudag stundum.. sérstaklega þegar allar vinkonur manns búa í öðru landi!!

Annars er Klaus búinn að vera í Nicaragua í tæpa viku núna.. kemur heim á mánudaginn. Hundleiðinlegt að vera svona ein heima.. og hann er ekki einu sinni í gsm-sambandi þannig að engin sms heldur.. :( Mér datt í hug að nota tækifærið og kaupa eitthvað af nýjum húsgögnum á meðan.. hann er nefnilega svo pikkí stundum að það tekur margar vikur að ákveða hvað á að kaupa!!! EN best ég bíði með það... ;)

jæja.. nú er ég hætt í bili.

sd

YESSSSS! :)

Taskan mín er loksins komin í hús og myndavélin og linsurnar eru í fullkomnu lagi! Þvílíkur léttir!! Reyndar voru sum fötin mín blaut.. en það er nú ekkert mál. Ég var sko farin að ímynda mér allt það versta og orðin viss um að ég sæi dótið mitt aldrei aftur. JEIII!! ég er alveg í skýjunum núna og hef aldrei verið jafn snögg að ganga frá úr töskunni ;) venjulega tekur það mig nokkra daga..

En fyrsti skóladagurinn var í dag. Mér líst bara nokkuð vel á þetta og kennaranum tókst að gera viðfangsefnið - the company and its historical settings- bara nokkuð áhugavert ;) Ég er ennþá að berjast við HR um að senda mér fullnægjandi pappíra yfir námið mitt þar svo ég geti sótt um að fá einingarnar metnar. Það ætlar að reynast þeim erfitt að lýsa almennilega kúrsunum sem eru kenndir hjá þeim... vonum það besta. Það er hinsvegar nóg lesefni framundan og margt misskemmtilegt eins og gengur og gerist.

Maj-Britt og Einar kærastinn hennar eru í stuttu stoppi hér í Köben. Við Klaus ætlum út að borða með þeim annað kvöld á Spiseloppen í Kristjaníu. Úff hvað ég hlakka til að knúsa hana Mæbbu mína!! .. og hitta kærastann auðvitað ;)

þangað til næst,
kiss kiss..
sd

YESSSSS! :)

Taskan mín er loksins komin í hús og myndavélin og linsurnar eru í fullkomnu lagi! Þvílíkur léttir!! Reyndar voru sum fötin mín blaut.. en það er nú ekkert mál. Ég var sko farin að ímynda mér allt það versta og orðin viss um að ég sæi dótið mitt aldrei aftur. JEIII!! ég er alveg í skýjunum núna og hef aldrei verið jafn snögg að ganga frá úr töskunni ;) venjulega tekur það mig nokkra daga..

En fyrsti skóladagurinn var í dag. Mér líst bara nokkuð vel á þetta og kennaranum tókst að gera viðfangsefnið - the company and its historical settings- bara nokkuð áhugavert ;) Ég er ennþá að berjast við HR um að senda mér fullnægjandi pappíra yfir námið mitt þar svo ég geti sótt um að fá einingarnar metnar. Það ætlar að reynast þeim erfitt að lýsa almennilega kúrsunum sem eru kenndir hjá þeim... vonum það besta. Það er hinsvegar nóg lesefni framundan og margt misskemmtilegt eins og gengur og gerist.

Maj-Britt og Einar kærastinn hennar eru í stuttu stoppi hér í Köben. Við Klaus ætlum út að borða með þeim annað kvöld á Spiseloppen í Kristjaníu. Úff hvað ég hlakka til að knúsa hana Mæbbu mína!! .. og hitta kærastann auðvitað ;)

þangað til næst,
kiss kiss..
sd

Komin heim frá Brasilíu.

jábbs.. við komum heim í gær. Það gekk sko ýmislegt á í þessari ferð. Í fyrsta lagi var fluginu okkar út aflýst 2 daga í röð vegna stöppunnar sem mundaðist á Heathrow eftir hertar öryggisaðgerðir. Þegar við vorum loksins komin á völlinn þá var svo mikil seinkun á fluginu að engu munaði að við myndum missa af tengifluginu í London. Við hlupum hreinlega á milli véla á Heathrow.. sem gerði það að verkum að farangurinn komst ekki með í vélina til Sao Paulo. Klaus fékk sýna tösku eftir 3 daga og ég hef ekki enn fengið mína!! :( British Airways er svo sannarlega með allt niðrum sig þessa dagana. Þeir hafa varla svarað símum né föxum og loksins þegar maður nær í þá svara þeir bara eitthvað útí loftið til þess að losna við mann. Núna segja þeir mér að taskan sé pottþétt í London og að það sé búið að senda meldingar um að nú eigi að senda hana tilbaka til Danmerkur en ekki til Brasilíu. Það eru hinsvegar um 20.000!! töskur sem bíða það eftir að verða sendar til eigenda sinna og því geta þeir ekkert sagt til um hvenær ég fæ töskuna. Versta er að nýja fína myndavélin mín er í töskunni því ég varð að tékka ALLT inn. Venjulega hef ég hana allt í handfarangri.. en í þetta skiptið mátti maður bara vera með veski og vegabréf í glærum plastpoka. Ég er búin að vera á algjörum bömmer yfir þessu og þetta hafði auðvitað töluverð áhrif á ferðina. Oft þurftum við að eyða frítíma okkar í að hlaupa á milli búða og finna þetta nauðsynlegasta; nærföt og eitthvað til skiptanna, tannbursta og smá snyrtidót. Það var sko ekki planið að vera á einhverju búðarápi enda ekki mikið varið í þær þarna.

EN að ferðinni sjálfri.. Það var ofsalega vel hugsað um okkur af eigendum Daterra kaffibúgarðsins. Fyrsti dagurinn fór nú bara í smá afslöppun eftir flugið, búðarráp og rúnt um borgina með Isabelu sem sá mest um okkur þarna. Svo fórum við á hádegisverðarfund með ýmsum fjölmiðlum þar sem Klaus talaði kaffið þeirra og brasilískt kaffi yfirhöfuð. Næsta dag vorum við með þjálfun fyrir ca. 20 kaffibarþjóna úr Sao Paulo. Þetta tókst allt saman mjög vel og var rosalega vel skipulagt. Við vorum öllu viðbúin eftir skipulagsleysið í Ástralíu en þetta var allt alveg meiriháttar.
Planið var síðan að fara á Daterra búgarðinn en fyrst að ferðin styttist um þessa 2 daga þá gafst ekki tími til þess. Daterra fólkið vildi frekar senda okkur í frí til Ríó og fá okkur aftur seinna á búgarðinn þegar betri tími gefst. Vona svo sannarlega að eitthvað verði úr því.

Rio de Janeiro er hrikalega falleg borg ef maður er staddur í réttum hverfunum. Út um hótelgluggann okkar var útsýnið ekki af verri endanum. Kristur úr einni átti og strandlengjan úr annarri. Það var reyndar ekkert strandaveður á meðan við vorum þarna en við tókum nú samt smá göngutúr á ströndinni, drukkum slatta af caphirinja og nutum okkar ;)
Við höfðum hitt annan kaffibónda á fjölmiðlafundinum sem átti búgarð rétt fyrir utan Rio og hann bauð okkur í heimsókn. Við eyddum því einum deginum með honum og konunni hans. Búgarðurinn er uppí fjöllunum skammt frá Rio og það var algjört æði að koma þangað. Það var enn uppskera í gangi þannig að loksins sá maður í alvöru hvernig þetta fer allt fram. Það er ofsalega fallegt þarna upp í fjöllunum og allt önnur stemning en í Rio og Sao Paulo.. næstum eins og að koma í allt annað land. Paulo (eigandinn) ætlar að senda okkur myndir sem við tókum á vélina hans.. ég var náttúrulega myndavélalaus allan tímann!! Isabela ætlar líka að senda okkur myndir frá Sao Paulo en því miður eigum við engar myndir frá Rio de Janeiro. Sem gerir okkur bara enn ákveðnari að fara þangað aftur og hafa meiri tíma og fleiri föt til skiptanna ;)

Við sáum hina hliðina á Rio á leiðinni inn og út úr borginni. Þarna er ótrúlega mikið af fátækrahverfum og fólkið býr í þvílíkum hreysum sem eru byggð hvert ofan á annað. Það var ömurlegt að sjá þetta. Maður getur ekki ímyndað sér hvernig hægt er að búa svona. Við fengum mjög ströng fyrirmæli frá gestgjöfum okkar um það hvar við máttum þvælast um og hvar ekki... og í fínni hverfunum eru öll hús afgirt með a.m.k. 2ja metra háum girðingum sem gerir borgina ekki beint mjög vinalega en samt nógu heillandi til að vilja heimseækja hana aftur..

En það er gott að vera komin heim aftur... það er komið nóg af ferðalögum hjá mér í bili enda byrjar skólinn á mánudaginn. Klaus fer til Nicaragua í byrjun september, svo kannski til USA í október og jafnvel til Suður-Afríku í nóvember þannig að það er nóg að gera hjá honum. Mér finnst mjög freistandi að fara aftur með honum í janúar, þá fer hann líklega til Costa Rica. Kemur allt í ljós..

Vonandi fæ ég nú einhver komment frá ykkur í þetta skiptið. Finn svolítið fyrir heimþrá þessa dagana... kannski bara af því ég er á svo miklum bömmer út af ferðatöskunni minni. En síðasta ferð til Íslands var auðvitað fáránlega stutt.. svo fór ég að hugsa um næsta afmælið mitt (sem er stórt!) en það verður auðvitað ekkert gaman að halda uppá það hér þegar ekkert af fólkinu manns er á svæðinu :( Kannski tekur maður bara Klaus með sér í einhverja borgarferð.. ókaffitengda!! ;)

Hafið það gott elskurnar mínar hvar sem þið eruð..

kiss kiss,
sd

Langt blogg..

Úff, það nú orðið langt síðan ég bloggaði síðast.. veit varla hvar ég á að byrja..
Ástralíuferðin var auðvitað mjög skemmtileg. Ferðalagið var fulllangt samt. Fyrst rúmlega klukkutíma flug til London, hangs á vellinum þar, svo 12 tímar til Hong Kong, stutt stopp þar og svo 8 tímar til Melbourne. Og kannski er maður aumingi en ég var nokkra daga að ná mér.. :( Klaus veiktist fyrstu nóttina og eyddi því fyrstu dögunum í Melbourne inná hótelherbergi. Ég reyndi nú eitthvað að hjúkra honum og skrapp svo út í göngutúra um miðbæinn þess á milli.

Melbourne er æðisleg borg og við hefðum alveg verið til í að vera lengur þar. Þriðja daginn komst Klaus loks úr rúminu, bryðjandi pensilín og verkjalyf, og Justin vinur okkar fór með okkur á rúntinn á nokkur kaffihús og þvældist með okkur þangað til við áttum flug til Sydney.

Sydneybúar er mjög stoltir af brúnni sinni og óperuhúsinu sínu... sem er hannað af Dana!! ;) Sydney er miklu meiri stórborg.. samt er mjög kósí stemmning við hafnirnar allar.



Ástæða ferðarinnar var fyrst og fremst að Klaus var boðið að koma og taka þátt í stórri kaffiráðstefnu í Sydney.. Nokkrum kaffimeisturum var boðið og þeir beðnir um að sýna einhverja meistaratakta. Skipulagið á því öllu saman var samt ekkert til að hrópa húrra fyrir en við ákváðum að segja sem minnst og taka öllu með opnum huga ;) Ástralir eru nefnilega miklu meira "ligeglad" en Danir nokkurn tímann og greinilega bara aukaatriði hjá þeim að hafa espressóvélaranr hreinar eða rétt stilltar eða hitastigið á vatninu einhvers staðar nálægt því sem eðlilegt er.. ;) En allavega.. flestir dagarnir í Ástralíu voru í góðum félagsskap allskonar kaffinörda sem við hittum aldrei nema þegar kaffibarþjónakeppnir eiga sér stað hér og þar um heiminn, eins ogt.d. George Sabados; guðfaðir mjólkurlistarinnar.. Mr.Skippy aka Justin Metcalf.. Gautam; indverski meistarinn, Sunalini; inverskur kaffiráðgjafi sem hefur mestu útgeislun sem ég hef nokkurn tímann kynnst.. það er eins og eitthvað Guðlegt gerist þegar hún birtist...Gleb, Irene og Anna; Rússarnir, Jack, Scott og David;ástralskir kaffibarþjónar sem hugsuðu voða vel um okkur.. og Robert Forsyth; "skipuleggjandinn".. góður karl en án skipulagningargensins.. ;) Við fórum semsagt á fullt af kaffihúsum, fórum oft út að borða, fengum góðan mat og góð vín ;)

Sjávarréttahlaðborð í góðum félagsskap; Sunalini og George fremst, Jack annar til vinstri, Gautam aftast til hægri.. hann sést varla ;)

Það er synd hvað við gátum lítið ferðast um landið bæði vegna tíma- og peningaskorts. Ástralía er náttúrulega fáránlega stór og alls ekki ódýr. En við komumst þó aðeins útí sveit einn daginn. Robert keyrði okkur og Gautam og Rússana uppí vínræktunarhéraðið Hunter Valley. Þar smökkuðum við bæði vín, bjóra og osta.. ummm og sáum fullt af kengúrum. Jeii!! ;)

Við Klaus fórum líka með ferju einn daginn yfir á Manly Beach sem er ein af mörgum ströndum í úthverfi Sydney. Vorum mjög heppin með veður þann daginn en ekki alveg nógu hlýtt til að leggjast í sólbað. En útsýnið yfir Sydney var æðilegt úr ferjunni.
Við fórum degi fyrr en planað var aftur til Melbourne. Vildum skoða okkur aðeins betur um þar. Kannski er það evrópska yfirbragðið á borginni sem heillaði okkur svona en við vorum allavega að fíla hana miklu betur en Sydney.. en kaffið er gott í báðum borgunum ;)

Ferðalagið heim gekk vel og flugþreytan miklu minni þegar hingað var komið. Æ hvað það var gott að komast í rúmið sitt og í hlýja danska sumarið. Klaus er búinn að vera á kafi í vinnu síðan hann kom heim og ég hef verið að taka nokkrar vaktir á kaffihúsinu. Svo keypti ég mér nýtt hjól!!! JEIII! Fyrir utan allt skröltið í gamla garminum þá var handbremsan farin og fótbremsan léleg þannig að mín fékk góðan díl í hjólabúðinni við hliðina á kaffihúsinu; Undurfallegt svart Taarnby Figaro, 7 gíra, með bastkörfu og tvöföldum lás.. það er yndislegt að hjóla á því og nú svíf ég um götur Kaupmannahafnar án nokkurra aukahljóða :)

Skólinn byrjar 28.ágúst. Í næstu viku verður reyndar einhver kynningarvika sem ég missi af vegna Brasiíuferðarinnar. Það held ég að sé nú í lagi. Þeir eru nú eitthvað tregir við að meta einingarnar mínar úr THí uppí námið hér.. eitthvað mikilmennskuæði í gangi held ég bara. Er allavega ekki búin að missa alla von. Hafði sambandi við skólann heima og spurði hvort námið hjá þeim væri í alvöru einskis virði í hákólum á hinum Norðurlöndunum.. Deildarstjórinn er því kominn í málið og farinn að útbúa almennilegar lýsingar á kúrsunum og matsaðferðum. Vona bara það besta :)

Og svo er það Brasilía á laugardaginn ;) Lét bólusetja mig gegn þremur mismunandi sjúkdómum í gæt og borgaði morðfjár fyrir... þá er bara að vona hasarinn í London róist aðeins því við millilendum þar... En spáin en góð; 30 stig og sól og blíða.

Læt þetta duga í bili. Ég er ekki enn búin að setja upp ný myndaalbúm frá Ástralíu.. þetta er svo mikið af myndum að ég hef ekki haft tíma í þetta.. svo eru þetta líka allt bara myndir af kaffihúsum og kaffifólki, veit ekki alveg hvað er gaman af því fyrir flest ykkar.. ;)

Þangað til næst, hafið það sem allra best elskurnar mínar!

kiss kiss,
sd

Eg komst inn i haskolann!!! Copenhagen Business School :)

kvedjur fra Astraliu... saum kengurur i gaer i sveitinni :) bordudum svo eina i kvoldmat, smakkadist mjog vel ;)

-sd

Astralia..

Erum i Sydney nuna.. vorum 3 daga i Melbourne sem er aedisleg borg. Meiri storborgarfilingur her. Allt gengur vel fyrir utan veikindi hja Klaus fyrstu dagana. Flugthreytan er hrikaleg samt og virdist ekkert minnka. Eg virdist bara ekki getad nad meira en 4 tima svefn a nottunni herna megin a hnettinum.

Klaus a afmaeli i dag og Unnur amma min lika.. :) Til hamingju med daginn!!

Kiss kiss,
sd

Langt síðan síðast..

Ekki það að lítið sé að gerast.. þvert á móti. Siðast þegar ég bloggaði vorum við á leiðinni á Hróarskelduhátíðina. Við skemmtum okkur konunglega. Sem betur fer voru starfsmanna tjaldstæðin hrein og fín, hljóðlát og með alvöru klósettum í stað kamra og meira að segja með volgum sturtum! Er ekki viss um að ég hefði lagt í að vera í 4 daga á almennings tjaldstæðunum.. kalliði mig bara pjattrófu! ;) Og sólin steikti hátíðargesti alla helgina og ég verða að segja að öll umgjörð og skipulag hátíðarinnar var til fyrirmyndar. Það var brjálað að gera hjá okkur á kaffihúsinu. Maður reyndi nú að rölta samt á milli tónleika þegar maður átti frí. SigurRósar tónleikarnir standa uppúr, þeir voru geggjaðir!! Held meira að segja að sumum hafi brugðið svolítið, áttu alls ekki vona á svona flottu sjóvi. Guns'n'Roses spiluðu á sama tíma.. ég fór sko frekar á SigurRós enda fengu G&R ekkert sérstaka dóma. Sá líka smá hluta af Frans Ferdinand.. þeir voru flottir, þekki þá reyndar voða lítið. Svo sá ég eitthverja fleiri sem ég man ekkert hvað heita.. ;) Er ekki alveg nógu mikið inní þessum tónlistarbransa..

Svo komu pabbi og mamma í heimsókn ;) Það var mjög gaman að fá þau í bæinn. Þau voru hrikalega heppin með veður, sól og blíða allan tímann. Ég gerði mitt besta í að túristast aðeins með þeim. Fórum í bátsferð um kanalana og skoðuðum merka staði. Svo komu þau tvisvar í dinner hingað uppá Tornskadestien og horfðu á boltann í leiðinni. Maturinn tókst nokkuð vel en boltinn ekki eins vel.. héldum öll með Frakklandi :(

Svo er ég farin að taka nokkrar vaktir á kaffihúsinu, gengur nokkuð vel á meðan kúnnarnir eru ekkert að spyrja of mikið um drykkina og vörurnar.. þá byrjar mín að stama ;) Þórey, sem vann með mér á Kaffitár er líka komin í fulla vinnu á kaffihúsinu. Við vorum að vinna saman um daginn og þeir Íslendingar sem komu þann daginn voru nú soldið hissa þegar þeim var barasta svarað á íslensku ;)

Leggjum af stað til Ástralíu eldsnemma í fyrramálið. Þeir sem eru að "skipuleggja" ferðina fyrir okkur er nú samt ekki alveg að standa við allt sem þeir sögðu í upphafi. En við ætlum að taka þessu öllu með opnum huga.. Er búin að liggja í sólinni alla helgina fyrst ég er á leiðinni í Ástralskan vetur: 10 stiga hita og skúraveður!! Kannski líka hægt að tala bara um íslaenskt sumar ;) Vona að danska sumarið verði ekki búið þegar við komum tilbaka.

Ég fæ svar frá háskólanum á meðan ég er úti. Það pirrar mig soldið að þurfa að bíða í 3-4 daga með að vita hvort ég komist inn. Pósturinn minn fer allur til bróður hans Klaus. Það hvarlar að mér að fá Mie til að opna bréfin og senda mér skilaboð um hvort ég sé inni eða ekki. En ef ég fæ ekki inn þá veit ég að það á eftir að skemma svolítið fyrir mér síðustu daga ferðarinnar, þannig að ég veit ekki alveg hvað ég á að gera... maður verður bara að krossa fingurna!!

Jæja.. nú er ég hætt í bili.

Hafið það gott elskurnar mínar.. ég er farin til Ástralíu!!

sd

Yndislegt að komast aðeins til Íslands.. ;)

Er nýkomin úr stuttri ferð til Íslands. Það var ofsalega gott að komast aðeins heim og ég náði að hitta alveg ótrúlega marga á met tíma.

Hef reyndar ekki tíma fyrir að skrá ferðasöguna núna þar sem ég er að græja mig fyrir Roskilde hátíðina.. en vil samt setja inn 2-3 myndir...

Þetta gullfallega par gifti sig til dæmis í garðinum sínum á Ránargötunni í Reykjavík. Ég hef nú komið í nokkur brúðkaupin en elsku Sissa og Leifur mega eiga það, að þetta var eitt það fallegasta og skemmtilegasta og auðvitað pínu gaga, sem ég hef komið í! ;)


Nú keyra þau um frönsku rívíeruna í 2ja sæta-blæju-Mercedes Bens... ;)

Svo brunaði ég norður með Vigdísi.. Fjölskyldan grillaði í bústaðnum í norðlenskri blíðu. Okkar bústaður er svona alvöru.. hvorki með rafmagn né heitt vatn.. Pabbi stóð í tilraunastarfsemi; hitaði vatn með gömlum kolakatli og fyllti þetta fínasta salt kar af tæplega 40 gráðu heitu vatni!


Ungir sem aldnir voru ánægðir með afraksturinn! ;)



Þessar skvísur voru í miklu stuði! Jakobína og Katrín Björk kunnu vel að meta uppátæki frænda síns.. Þessar píur eiga eftir að verða sannar drottningar! ;)



Ég set inn fleiri myndir seinna... Roskilde er næst á dagskrá. Það er spáð sól og blíðu en ég keypti samt gúmmístíbba og verð öllu viðbúin...

kiss kiss,
sd

Sól og sumar..

það vantar ekki hitann og svitann hér í Köben þessa dagana. Eins og sannur Íslendingur rembist ég og rembist við að láta sólina sleikja mig þrátt fyrir að líða hálf ömurlega í þessari steik. Og fyrir hvað?? Ég er víst þannig gerð að ég tek lítinn sem engann lit og verð aðallega bleik og freknótt... andvarp! Af einhverjum undarlegum ásæðum verða allir í minni fjölskyldu kaffibrúnir við minnstu sólarglætu... en ég verð aldrei neitt meira en mildur latte :(

Ástralía..

Ferðaplanið er allt að smella saman. Þetta verður jafnvel 2ja vikna ferð enda varla hægt að fljúga svona langt án þess að stoppa aðeins. Auk kaffi ráðstefnunnar í Sydney förum við jafnvel til Melbourne og í stutta ferð að skoða vín-og kaffiræktunarhéröð.

Brasilía..

Jahátss!! Við erum sko á leiðinni til Brasilíu líka!! Daterra kaffibúgarðurinn býður okkur í tilefni að Klaus notaði kaffið þeirra í blönduna sína á heimsmeistaramótinu. Og í þetta skiptið er mér formlega boðið með og allur minn kostnaður greiddur líka. 10 dagar í ágúst. Byrjum í Sao Paulo og verðum með kaffibarþjóna þjálfun í einn dag. Næsta dag verður svo einhver 'media lunch' þar sem Klaus talar um Daterra kaffið. Svo förum við í 2-3 daga á Daterra búgarðinn sem er norður af Sao Paulo skilst mér. Síðustu dagana verðum við svo í Rio de Janeiro ;)

Hljómar of gott til að vera satt!

Margt að hlakka til.. ;)

Já það er ýmislegt skemmtilegt á döfinni næstu vikurnar..

- Í kvöld förum við Klaus út að borða á geggjaðan veitingastað sem heitir 1.th... já hann heitir fyrsta hæð til hægri! Staðurinn er innréttaður í gömlu íbúðarhúsnæði og upplifunin á að vera eins og að mæta í matarboð hjá kokkunum. Maður pantar og borgar fyrirfram, mætir á staðinn og fær engu ráðið um matseðilinn. Fyrst er fordrykkur í stofunni svo er farið einn í eldhús og kokkarnir eru bókstaflega við hliðina á manni að elda. Svo er boðið upp á 6-8 rétta matseðil og vínin eru sérvalin fyrir hvern rétt! Þetta verður æðislegt. Anita yfirkokkurinn gaf okkur gjafabréf í tilefni af velgengi Klaus í Bern en hún var hjálpaði Klaus heilmikið fyrir danska mótið við að hanna frjálsa drykkinn hans og kom svo með okkur til Bern. úff úff hvað ég hlakka til og verð að passa mig að vera VEL svöng ;)

- Næsta vika; veðurkortin sýna heiðskýra sól alla næstu viku og 23-27 stiga hita!! já, það er stundum er gott að vera hálf atvinnulaus.. he he..

- 21. til 27. júní verð ég á ástkæra ylhýra Íslandi!! Sissa og Leifur eru að fara að gifta sig og það verður rosa veisla í garðinum og mér skilst að tvö nágrannahús hafi lánað garðana sína líka!! Aðalpartýið verður semsagt á Ránargötunni þá helgi!! Eldsnemma morguninn eftir bruna ég svo til Akureyrar að hitta familíuna á ættarmóti inní Eyjafjarðarsveit! Það er eins gott að pabbi grilli eitthvað ofaní mann þá!! ;)

- 29. júní - 2.júlí verð ég að vinna sem kaffibarþjónn á Hróarskelduhátíðinni! ;) Estate Coffee var beðið um að koma í samstarf við Max Havelaar sem ætlar að reka kaffihús á hátíðinni og bjóða aðeins uppá FAIR TRADE vörur. Og díllinn er góður.. við kaffibarþjónarnir erum bara að vinna 24 tíma alls yfir alla helgina og getum því notið tónleikanna restina af helginni. Og við þurfum ekki að standa í afgreiðslunni heldur á kaffihúsinu, verðum bara í því að framleiða kaffidrykki, sem er ekki verra. Ég hef heyrt ýmsar sögur frá Hróarskeldu þannig að þetta verður spennandi.. ég á regngalla.. vantar því bara gúmmístígvél, svefnpoka og tjald!!

-4. til 11. júlí koma pabbi og mamma í heimsókn til Kaupmannahafnar. Það verður gaman að fá þau og maður er þegar farin að sigta út staði sem líklegt er að þau myndu vilja kíkja á.. ;)

-ÁSTRALÍA.. dagsetningar eru ekki alveg komnar á hreint en farið verður seinnipartinn í júlí ;) það var farið að líta út fyrir að ég kæmist ekki með því það er svo hrikalega dýrt að fljúga þangað. Þá ákvað minn heittelskaði að bjóða upp á vöruskipti, þ.e.a.s. að ég fengi Ástralíuferð í afmælisgjöf í staðinn fyrir Berlínarferðina sem hann gaf mér síðastliðinn nóvember en við höfum enn ekki farið í. Ekki slæm skipti það!!! Það er alltaf hægt að fara til Berlínar.. he he

Ágúst mánuður er hinsvega ekki planaður ennþá en ég fæ að vita í lok júlí hvort ég kemst inn í háskólann þannig að þær fréttir koma til með að hafa talsverð áhrif á framhaldið... ;)

Góða helgi elskurnar!

Verðlaunin.. ;)

Meðal þess sem Klaus fékk í verðlaun á heimsmeistaramótinu er þessi klikkaða espressóvél!!

Hún er reyndar ekki enn komin í almenna framleiðslu..og búin að vera í þróun hjá framleiðandanum í nokkur ár. Við þurfum því að bíða fram í september eftir því að fá hana senda.
Svo fékk hann líka svaka flotta kaffikvörn eins og þessi nema hún er svört og krómuð, ekki verra:

Kvörnin er þegar komin í hús... það sem verra er að þessar flottu græjur komast engan veginn inn í okkar míní eldhús!! Það er því annað hvort að fara að leita að nýju húsnæði af einhverri alvöru... eða setja upp kaffikrók í stofunni.. ;)

Ferðasaga.

Er loksins búin að dæla inn nýjum myndum hér til hægri frá Bern. Ég gerði allar útskýringar á ensku svo að vinir og ættingjar Klaus gætu líka kíkt á þær og skilið eitthvað.

En ég ætla nú líka að segja ykkur aðeins frá ferðalaginu. Við tvö keyrðum saman með troðfullan bíl af allskonar varningi... það fór heill dagur í að pakka öllu vandlega saman í kúluplast og tilheyrandi, fylla út tékklista svo að örugglega ekkert gleymdist o.s.frv... Við prentuðum út leiðina af netinu og samkvæmt því átti ferðin að taka ca. 12 tíma... hjá okkur endaði hún í 16 tímum!!
Fyrstu klukkutímana var bara gaman af þessu.. útsýnið var fallegt hvort sem það var rigning eða sól.. ;)


En það virðist vera ótrúlega mikið um vegaframkvæmdir á þýsku hraðbrautunum þessa dagana.. Oft var umferðin mjög hæg og jafnvel alveg stopp... sem betur fer virtist stappan samt alltaf verri á akreinunum á móti okkur þannig að við töldum okkur heppin.

Þegar við vorum loksins komin til Bern kl. 1 eftir miðnætti.. dauðuppgefin og sjúskuð, búin að sjá rúmið í hyllingum síðustu 3 tíma, þá var ekkert hótelherbergi handa okkur!! :( Vegna misskilnings varðandi staðfestingu á að við myndum tjékka inn mjög seint, þá var búið að leigja einhverjum öðrum herbergið okkar!!! OG öll borgin gjörsamlega yfirbókuð vegna kaffiráðstefnunnar. Ég var nokkurn veginn farin að sætta mig við að sofa í bílnum þá nótt... við keyrðum á milli nokkurra hótela án árangurs en fengum svo loks númer hjá einu hóteli sem var með EITT herbergi laust... við komumst því loks í háttinn um hálf þrjú og þurftum svo að skipta aftur yfir á hitt hótelið næsta dag.

Peter brennslumeistari kom með flug næsta dag og sá dagur fór aðallega í að taka upp úr kössum og sjá til þess að allt væri óbrotið og að ferðakælirinn væri að halda dönski mjólkinni góðri ;) Við fórum út að borða um kvöldið.. þar sem þessi réttur gerir kvöldið ógleymanlegt:


Peter pantaði sér týpískan Bern disk.. í þeirri trú um að fá sýnishorn af hinum og þessum kjöttegundum.. en nei nei.. hann fékk í staðinn heilann stafla af all konar feitu kjöti og vænan skammt af sauerkrautz undir öllu saman!! Svo er fólk eitthvað að hneykslast á sviðakjömmunum okkar!! og þó að Peter sé stór og sterkur og mjög hrifinn af kjöti þá komst hann ekki mjög langt með þennan rétt! ;)

Næsta dag fór ég á dómarasnámskeið og Klaus og Peter á keppenda fund. Dómaranámskeiðið er alltaf áhugavert.. það þarf að reyna að samræma marga og mjög ólíka dómara svo við séum öll að dæma eftir sama standard. Sumir virðast mjög ósveigjanlegair frá sínum eigin sannfæringum um hvað sé rétt eða ekki. En það er alltaf gaman að hitta alla aftur á þessum kaffiferðalögum.. ;) alls konar áhugaverðir karkaterar...

Klaus keppti í undanúrslitunum á föstudeginum.. það voru nokkrir mjög sterkir að keppa þann dag og mikil spenna í loftinu. Klappstýrurnar okkar frá kaffihúsinu og brennslunni höfðu sumar keyrt alla nóttina til að geta kvatt hann. Þær síðustu komu með flugi og voru mættar á svæðið aðeins 5 mínútum áður en hann byrjaði. Það var samt ótrúlegt hvað það myndaðist góð stemmning í salnum þegar hann byrjaði og greinilegt að það voru margir sem héldu með honum.

Ég var að dæma á laugardeginum.. dæmdi 5 keppendur í tækni um morguninn og svo 5 aftur í smakki seinnipartinn. Það voru alls 40 keppendur í ár. Það er ógerlegt að sömu dómarar dæmi alla þannig að hvert dómaralið dæmir 5 keppendur í einu.
Svo var tilkynnt hverjir komust í úrslit:


Danmörk, Ísland, Svíþjóð, USA, Kanada og UK. Þetta var ótrúlegur léttir þó að innst inni værum við nokkuð viss um að við kæmumst í úrslit. Kvöldið var því tekið rólega, við mölluðum pannacotta, kaffifroðulög, straujuðum skyrtur, dúka, servíettur o.s.frv. og fórum snemma að sofa.

Allt gekk eins og í sögu á lokadeginum. Klaus virtist voða lítið stressaður og ég held að það hafi hjálpað honnum ótrúlega mikið í keppninni því að var svo augljóst að hann hafði líka GAMAN af því að vera þarna.


Hann var greinilega í miklu uppáhaldi hjá áhorfendum og fór pínu hjá sér held ég yfir öllum fagnaðarlátunum eftir að hann hafði lokið keppni ;)

Ég get varla lýst tilfinningunni þegar tilkynnt var um sigurvegarann.. það er frábært að fá svona viðurkenningu fyrir alla vinnuna sem við erum búin að leggja í þetta. Klaus var búinn að vera að undirbúa þetta í næstum heilt ár og æfa sig mjög stíft síðustu fjóra mánuðina. Síðustu þrjá mánuði er ég búin að vera með honum við æfingar í brennslunni og ef ég á að segja alveg eins og er.. þá er ég ekki viss um að ég væri til í þetta aftur!! ;)


Ég grenjaði næstum klukkutíma eftir að úrslitin voru ljós :( svo var auðvitað skálað í kampavíni fram eftir degi og farið í lokapartiíð um kvöldið. Næsti dagur fór í að rölta aðeins um Bern sem alveg ótrúlega falleg borg. Það er eins og að vera komin í eitthvað ævintýri að vera þarna, sérstaklega þegar það var heiðskýrt og svissnesku alparnir blöstu við í fjarska. Því miður höfðum við alls ekki nógu mikinn tíma til að skoða okkur um. Síðasta kvöldið fórum við Klaus út að borða með Kaffitársgenginu.. það klikkar aldrei og var fullkominn endir á frábærri ferð ;)

Heimferðin gekk aðeins betur.. aðeins 14 tíma keyrsla! ;)

BESTUR I HEIMI!! :)

jaháts! Klaus er heimsmeistari kaffibarþjóna 2006 :) Þetta er búin að vera viðburðarík vika og allir að rifna úr stolti... Spennandi ár framundan hjá Klaus.. alls konar boð um ferðalög hingað og þangað. Geri mitt besta í að troða mér með. Það er allavega búið að bjóða mér með til Portland, Chicago, og Þýskalands.. Klaus er boðið til Ástralíu í júlí, akkúrat þegar ég er í fríi frá skólanum og við vorum búin að plana að fara í frí..þannig að nú er það mission-ið að komast með í þá ferð!! ;)

Erum uppgefin eins og er.. komum heim um 5 í nótt eftir 14 tíma akstur.. nú þarf að losa bílinn.. :(

lofa að koma með myndir og meira blogg sem fyrst!

Takk fyrir allar óskir um gott gengi og hamingjuóskir!! ;)

K biður að heilsa..

-sd

Á leiðinni til Bern..

jæja.. leggjum í'ann eftir hálftíma. 12-13 tíma keyrsla framundan. Bíllinn pakkaður af dóti og allt reddí! Eigum von á spennandi móti og skemmtilegri viku framundan. Alltaf gaman að hitta allt "kaffifólkið" í þessum ferðum ;)

veit hinsvegar ekkert um Eurovision stemmingu á þessu fólki, hún verður sennilega mjög takmörkuð.. :/

hafið það gott elskurnar mínar..

júbbs.. ég er hér! ;)

bloggið er víst ekki nógu ofarlega á forgangslistanum þessa dagana.. reyni að bæta úr því.

Það er voða mikið um æfingar hjá Klaus núna enda er heimsmeistaramótið alveg að bresta á. Við breyttum nú prógramminu ekki mikið síðan á danska mótinu enda fékk hann mjög góð komment frá dómurunum þar. Löguðum samt nokkur smáatriði. Það er ótrúlegt hvað hefur farið mikil vinna í þetta og það verður spennandi að sjá hvernig gegnur í Bern. Hann á náttúrulega eftir að heilla alla uppúr skónum þar líka.. hann er soddan sjarmör þessi elska ;)

Þannig að maður hefur lítið getað notið veðurblíðunnar sem hefur leikið við okkur hérna.. mér skilst að þetta sé nú ekki alveg normalt svona snemma sumars en hér hefur verið í kringum 20 stiga hiti síðustu vikuna og glampandi sól. En það eru komnar nokkrar freknur og smá roði í kinnarnar ;)

Stórmerkilegur atbuður átti sér stað hér fyrir síðustu helgi... ég keypti mér aðgang að líkmsræktarstöð!! ;) Ég hef nú ekki komið inní svoleiðis í rúm 2 ár!!! Þannig að ég er frekar stolt og tek mjög gjarnan við öllum hamingjuóskum! ;)

Ég kláraði loksins 2. level í dönskskólanum í dag.. ég þurfti að endurtaka það af því ég missti viku úr þegar ég kom til Íslands. Vá hvað mér leiddist hrikalega!! og nú tek ég 3ja vikna frí fyrst við erum að fara til Bern, og byrja því að 3. leveli eki fyrr en 7.júní... þannig að danskan er að koma HÆGT en örugglega !! ;)

Annars er lítið að frétta..

;)

´

Latur sunnudagur..

það er ekki hægt að segja annað.. klukkan er að verða sex og ég er ennþá á náttfötunum ;) kannski bara ágætt til tilbreytingar. er samt alveg búin að vera dugleg.. henti inn 2 nýjum albúmum hér til hægri, skellti í amerískar pönnukökur í hádeginu, horfði á fullt af lélegu sjónvarpsefni, hékk á netinu í dágóða stund, svo á að elda kjulla í kvöldmat og læra smá dönsku.. ekki slæmt er það?!
hér er til dæmis mynd frá danska mótinu..




Annars var gærkvöldið mjög kósí.. við fórum í mat til Fritz og Vivi. Þau búa ca. hálftíma keyrslu norður af Kaupmannahöfn. Fritz sýndi snilldartakta á grillinu (úti í rigningunni). Bauð uppá tígrisrækjur í hvítlauk og nautasteik með rósmarín kartöflum... suddalega gott. Við höfum bæði kynnst Fritz í gegnum kaffistússið, hann þjálfar kaffibarþjóna út um allt fyrir keppnir (enda fyrrverandi heimsmeistari) og er líka dómari... hann hefur einmitt verið að vinna með Klaus fyrir danska mótið og svo aðeins meira núna fyrir heimsmeistaramótið... Við semsagt átum á okkur gat í gærkvöldi og kjöftuðum svo fram eftir kvöldi.

Tók nú engar myndir í gærkvöldi en hér erum við fjögur samt að éta á okkur gat í matarboði hjá Queen Sonju Grant. Dómaragenginu á Íslandsmótinu var öllum boðið uppá kóngakrabba úr Barentshafi ef ég man rétt og smakkaðist ekkert eðlilega vel.. Það klikka aldrei matarboðin hennar Sonju ;)



Framundan eru fleiri æfingar fyrir Bern.. það er bæði tilhlökkun og spenna í loftinu. Við keyrum niðureftir 16. maí og verðum í tæpa viku.. þetta verða strembnir dagar eins og vanalega á þessum mótum en þetta er bara svo hrikalega gaman líka ;)

bæ í bili..

komnar inn nýjar myndir hér til hægri.. með titlum og allt!! ;) já já ég veit.. þetta eru soldið gamlar myndir en það er meira í vinnslu!!

góða helgi!!