Eistland og Ísland

jamms, það eru fleiri ferðalög framundan. Um miðjan mars fer ég til Tallin í Eistlandi að dæma :) Þetta verður reyndar óþarflega nálægt fjórðungalokum í skólanum en ég bara gat ekki sagt nei! Verð bara að skipuleggja mig soldið næstu vikurnar. Sonja Grant verður yfirdómari í Tallin þannig að það verður smá Kaffitárs-reunion líka ;)

Svo komum við bæði til að dæma á Íslandsmótinu um miðjan apríl! JEII! hvað ég hlakka til!! Verður samt bara stutt stopp (til að takmarka skróp í skólanum), komum 11.apríl og verðum til 15.. Það var mjög freistandi að bæta 2-3 dögum við dvölina en það gekk nú ekki betur í fyrra en að ég lá í flensu þá daga sem ég ætlaði að vera að heimsækja alla.. þannig að svona verður þetta bara.

Annars er allt við það sama hér... íbúðaleit gengur hægt. Held að við bíðum með að kaupa. Hef það bara ekki í mér að kaupa 50 fm íbúð fyrir 20 millur!! Vil þá frekar bíða aðeins þangað til maður getur keypt fyrir aðeins meira og fá þá miklu fleiri fermetra. Þannig að ef þið þekkið einhvern sem þekkir einhvern osfrv. hér í Köben sem veit af góðri íbúð til leigu... á sanngjörnu verði.. þokkalega miðsvæðis.. Let me know!!

Svo fann ég nú aðeins fyrir því í kvöld að meirihlutinn af dótinu okkar er í leigðri geymslu útí bæ.. Ætlaði nefnilega að elda þessa frábæru litríku og hollu súpu sem ég gerði um daginn.. uppúr uppskriftabókinni hennar Jasmine. Var með hráefnalistann fyrir hana í minnisbókinni síðan síðast en fattaði svo þegar ég kom heim að bókin er í geymslunni. Ég þóttist nú samt muna hvernig átti að gera.. ehhhm.. Úr varð ferlega þunn og fölleit en brjálæðislega sterk súpa.. ekkert í líkingu við þá sem ég eldaði áður!! Og nefrennslið varð svo rosalegt að ég held ég sé búin að snýta úr mér heilanum!! Meiningin var að Klaus hitaði hana upp þegar hann kemur heim seinna í kvöld.... sjáum til.. svona er maður misheppnaður í eldhúsinu!!

knús til allra,
sd

Júróvisíon..

Ég hef nú ekki haft þolinæði til að hlusta á öll lögin sem komust í úrslit en hef ákveðið að halda með Eiríki Hauks (þó mér finnist vanta allan hápunkt í lagið).. Heiða gæti hugsanlega fengið betri kosningu samt, það eru jú nokkrar kynslóðir sem muna ekkert eftir Gaggó Vest, Icy og velgengni Eika í Landslagskeppnunum með Helgu Möller! ;)
Verð reyndar í matarboði með stelpum úr skólanum í kvöld þannig að ég næ ekkert að fylgjast með.. sms verða vel þegin ;)

kiss kiss,
sd

Afmælisbörn..

Nú verð ég sko aðeins að afsaka mig.. var rétt í þessu að muna eftir afmæli Krumma bróður.. sem var 10.febrúar!!! Og Guðný amma mín á Öngulsstöðum átti afmæli í fyrradag 12.febrúar. Ég mundi sko eftir þeim báðum daginn FYRIR afmælið en það er víst ekki nóg... Þannig að til þess að koma í veg fyrir að Unnur bróðurdóttir mín gleymist á morgun þá ætla ég að óska henni -og pabba hennar og langömmu- innilega til hamingju með daginn!! Hún er barasta orðin 17 ára!! úff hvað tíminn líður hratt.. ég man svo vel eftir því þegar ég var að labba heim eftir langan fimmtudag í Hrafnagilsskóla og var mikið að hugsa hvort það biðu mín fréttir heima.. Það var sko enginn gsm til að tékka bara á stöðunni!! Svo fæddist hún seinna um kvöldið. Þetta var nú næstum því eins og að eignast systkini því Krummi, Anna og Unnur bjuggu hjá okkur fyrsta árið hennar Unnar. Nú er hún orðin algjör pæja og byrjuð í Menntaskólanum á Akureyri.. og það verður mikið áfall fyrir mig að sjá hana sennilega keyra bíl næst þegar ég sé hana!! ;)

jamms.. maður verður nú ekkert yngri með árunum!

sd

Farin til Frankfurt..

Verð að dæma á þýska kaffibarþjónamótinu um helgina, fer á morgun og kem tilbaka á sunnudaginn. Þetta verður svaka törn, meira en 30 keppendur og 12 dómarar sem skiptast á svo við förum ekki yfirum á koffein inntöku ;)

En ég var auðvitað búin að lofa ferðasögu... ehemm.. hún er í vinnslu!! Jamms, endalausar afsakanir... en hér er smá forsmekkur:
Piña Colada á laugarbakkanum í 28 stiga hita ;)

Hossuðumst svo í rútu alla leið upp að eldfjallinu Poas.. Svo var bara geggjuð þoka og skítakuldi við gíginn og við sáum ekki neitt!! Samt var það Kodak moment!!

Og svona var útsýnið frá pallinum þar sem við gistum á La Minita kaffibúgarðinum.. ekki slæmt!!


Framhald síðar....

kiss kiss,
sd

Andvarp!!

Ekki misskilja mig - Kosta Ríka var algjört ÆÐI!! Ein af þessum "life-changing-experiences" held ég barasta!! Kaffibúgarðurinn var svo fallegur, landslagið í kring, fólkið, andrúmsloftið, VEÐRIÐ! og bara allt.. ég tók fullt af myndum og ætla að reyna að gera smá ferðasögu fyrir ykkur eftir nokkra daga.. Það var líka yndislegt að fá smá yl og lit á kroppinn svona á miðjum vetri og ég held að héðan í frá sé þessi árstími orðinn uppáhalds ferðatíminn ;)

En þegar heim var komið var auðvitað nístingskuldi og farið beint í það að pakka saman íbúðinni.. Klaus fór reyndar eiginlega beint til Amsterdam í 4 daga og á meðan sat ég heima og pakkaði... og skoðaði gömlu myndaalbúmin hans! tíhíhí! Hann varð nú frekar pirraður þegar ég fór að 'hæla' honum fyrir gömul tískuslys!! ;) En allavega, planið er að flytja um helgina og var ég orðin nokkuð spennt að koma mér fyrir í kósí íbúð á Amager í sama stigagangi og Rasmus mágur minn býr með fjölskyldu sinni. En í gærkvöldi hringir Jakob (eigandi íbúðarinnar.. bróðir Mie, mágkonu Klaus) og segir okkur að kaupsamningurinn á íbúðinni sem hann ætlaði að flytja inní ásamt sinni heittelskuðu hafi gengið til baka á síðustu stundu!!!
Jamms, við fengum semsagt 2ja mánaða uppsagnarfrest á íbúðinni sem við erum ekki einu sinni flutt inní!!! Pirr pirr og aftur pirr!! Ég held hreinlega að þetta sé tákn um að við eigum að drösslast til að kaupa eitthvað á þessum uppsprengda fasteignamarkaði hérna....

EN ég ætla nú ekkert að kvarta meira yfir þessu.. þetta eru nú bara smáatriði miðað við svo margt annað sem fólk gengur í gegnum þessa dagana..

ferðasagan kemur fljótt..
sd

Gleðilegt ár og allt það!

Það er ekki hægt að segja annað en að allt átið og afslappelsið yfir hátíðirnar hafi haft sín áhrif á bloggið líka ;)
En við áttum voðalega hugguleg jól á Vestur Jótlandi þar sem vel er haldið í gamlar hefðir og enn meiri matur borðaður heldur en heima ;)
Svo var komið heim til Íslands og afslappelsinu og átinu haldið áfram ;) Ég hef nú aldrei verið neitt sérstaklega hrifin af sörum en þetta árið tapaði ég mér gjörsamlega í söruáti!! Þær voru bara sérstaklega góðar hjá mömmu í ár!!
Áramótunum vara fagnað á Akureyri.. troðfullt hús hjá pabba og mömmu, vorum 15 manns í mat!! Jamms, þetta er orðin þvílíka stórfjölskyldan :) Ég dró auðvitað Klaus með mér í alls konar heimsóknir og matarboð.. það var gott að sjá familíuna aftur :)

Svo eyddum við 3 dögum í Reykjavík áður en við komum aftur út.. er í smá sjokki yfir hvað við eyddum miklum pening bara í að borða úti og oftast bara á svona hversdagslegum stöðum!! Ég mæli nú samt með að allir skelli sér á Domo í Þingholtstrætinu. Við fengum okkur 3ja rétta surprise matseðilinn og hann var geggjaður!!

En núna erum við bara búin að vera að þvo þvott og pakka upp úr og aftur niður í töskurnar... Förum til Kosta Ríka á morgun og það er víst aðeins öðruvísi klæðnaður sem við þurfum þar... spáin segir 22-28 stig! Æi ég vona bara að það verði ekkert bras í gangi eins og þegar við fórum til Brasilíu. Crossing my fingers..

Svo erum við búin að fá íbúð á Amager!! Segi ykkur betur frá henni seinna en þegar við komum heim aftur þá verður farið beint í það að pakka...

Hafið það gott elskurnar mínar.. og það er aldrei að vita nema að ég fari bráðum að drösslast til þess að setja einhverjar myndir hérna inn. Vonandi á þessu ári allavega ;)

kiss kiss,
sd

Jæja, þetta er allt að smella..

jamms, kláraði prófin í gær.. prófið á mánudaginn gekk nú miklu betur en í gær en svona er þetta bara, vona bara það besta. Brunaði svo í bæinn og kláraði síðasta shopperíið, kom svo heim í gærkvöldi og skipti um rennilás á pilsi (með nýju saumavélinni!!), þreif aðeins og ég veit ekki hvað.. og fór svo snemma í bólið, alveg búin á því. Búnir að vera langir dagar í skólanum undanfarið.

Í dag er svo búið að hamast við að pakka og þrífa og svo skoða eina íbúð í millitíðinni. Það eru kostir og gallar við íbúðina eins og alltaf en við fáum smá tíma til að hugsa málið.. ekki eins og við höfum um mikið að velja.. kannski getum við prúttað aðeins með verðið ;)

Svo er það bara lestin til Jótlands eftir rúman klukkutíma, konfektgerð á morgun og svo bara jólin komin!! Ég verð að viðurkenna að þessi desember hefur algjörlega þotið fram hjá mér. Verð að vera skipulagðari næst svo maður missi ekki alveg af jólastemningunni.

En ég hlakka voðalega til að koma heim til Íslands!! Bara 6 dagar þangað til. Vííííí!!! :)

Hafið það yndislega gott um jólin elskurnar mínar, sé ykkur vonandi sem flest á meðan dvölinni stendur. Gamla gsm- númerið verður vonandi opið frá og með 29.des..

Jólakveðjur frá Köben!

sd

Þetta smá mjakast..

jamms, mín bara búin að skrifa og senda 25 jólakort! Eitthvað sem ég hef ekki gert í nokkur ár held ég barasta, og er ferlega ánægð með mig :) Svo er búið að kaupa allar jólagjafir nema eina (Klaus), pakka inn og sníkja flugfar fyrir þá heim til Íslands með vinum eða ættingjum. Haldiði að það sé flottheit?!! úff hvað mín er skipulögð!! ;)

Bara að próflesturinn væri í jafn góðum málum.. ehh..

sd

p.s. takk fyrir góð pepp eftir örvæntingarfullt blogg síðast :)

Hangikjet, laufabrauð, íbúðarleit og Kosta Ríka..

Jamms, hangikjetið og laufabrauðið er komið í hús :) Elsku pabbi og mamma geta náttúrulega ekki hugsað sér annað en ég fái eitthvað almennilegt að éta á jólunum og sendu mér þessar kræsingar. Foreldrar Klaus voru hér um helgina og þeim leist vel á þegar ég sagði þeim að ég kæmi með smá nesti með mér ;) Jólin hér eru sko ekki síðri átveisla heldur enn heima og því fjölbreyttara því betra!

Íbúðarleitin gengur ekki neitt!! Helv..ansk..djöf.. hvað þetta pirrar mig :( Íbúðamiðlanirnar sem eru á netinu eru meira og minna peningaplokk, bara tilbúnar auglýsingar og algjört plat. Den Blå Avis þarf maður næstum því að kaupa kl.4 á morgnanna því það er nánast búið að leigja allt út sem auglýst er fyrir kl.10. Svo er málið að fólk er að auglýsa íbúðirnar sínar svo seint af því að þær fara svo fljótt.. Ef ég væri ekki svona stressuð yfir þessu þá myndi ég ekkert byrja að leita fyrr en tveim vikum áður en ég þarf að vera flutt út.. pirr pirr!! En ég vil helst vera búin að finna eitthvað áður en ég kem heim til Íslands því við verðum voða lítið heima í janúar...

Jáháts, við vorum nefnilega að staðfesta ferð til Kosta Ríka í janúar að heimsækja La Minita kaffibúgarðinn!! Pælið í því!! Komum heim frá Íslandi 8.jan og förum út aftur 11. og verðum í 9 daga... þá er kominn 21.jan og daginn eftir fer Klaus til Amsterdam í 3-4 daga... þetta flokkast nú bara undir kæruleysi af verstu gerð!! Við verðum á fjandans götunni 1.feb! Ég hangi bara í "þetta reddast" gírnum ;)

Svo eru prófin að skella á eftir 10 daga og ég er drullustressuð.. allavega fyrir rekstrarhagfræðina :( Ég get ekki einu sinni líkt þessum kúrs saman við þann sem ég tók í THí.. skil sko ekkert hvað maðurinn er að tala um!! Ekkert nema einhver stærðfæði og graf-teikningar.."Fallinn með 4.9" sönglar í hausnum á mér.. og upptökuprófið er tveim dögum eftir að ég kem frá Kosta Ríka þannig að ekki hjálpar það heldur.. pirr pirr!

og jólagjafirnar.. er ekki einu sinni byrjuð að kaupa þær :( Reyndar kemur Sissa til mín á sunnudaginn í svokallaða "shop-until-you-drop" ferð.. þá ætla ég að nota tækifærið og bara afgreiða jólainnkaupin á þessum tveim dögum.. ó hvað ég hlakka til að fá hana Sissu mína í heimsókn!! :)

jæja.. best að hætta þessu væli og sökkva sér ofan í bækurnar en ég segi nú bara; hvar er kósí aðventan???

kiss kiss,
sd ..á barmi taugaáfalls ;)

jól í nóvember..

Það er ekki hægt að segja annað en að smá jólastemmning hafi verið í stofunni hjá okkur í liðinni viku. Klaus fékk sendingu frá Philips sem þakkarvott fyrir smá sýningu sem hann var með fyrir þá á Ítalíu um daginn. Þeir höfðu nefnt það við hann að hann mætti eiga von á smá glaðning.. en HALLÓ!!! Þeir sendu hraðsuðuketil, brauðrist, blender, safapressu sem tekur hálfan eldhúsbekkinn, kaffi uppáhellingarvél og "espressóvélina" þeirra sem Klaus skildi nú bara eftir á skrifstofunni.. ;) En þetta eru allt ekkert smá flott tæki, allt í stíl með burstað stál lúkk... það er auðvitað ekki séns að þetta komist allt inní eldhúsið okkar en flott er það!! ;) Við vorum viss um að uppáhellingar vélin væri algjört prump en hún virkar bara svona helvíti vel og er í miklu uppáhaldi hjá okkur þessa dagana..

En annars er svo langt síðan ég bloggaði síðast að ég veit ekki hvað er búið að gerast meira síðan síðast.... nóg að gera í skólanum eins og vanalega. Fékk bara ágætis einkunnir úr prófunum... fékk reyndar hærri einkunn í prófinu sem mér fannst ganga miklu verr... en bekkurinn er reyndar að fara úr límingunum yfir niðurstöðunum úr hinu prófinu, ótrúlegasta fólk féll eða rétt skreið. Fyrst varð ég fyrir smá vonbrigðum með mína einkunn en þegar ég heyrði heildarniðurstöður þá er ég nú bara sátt með að vera bara rétt yfir meðallagi í því faginu.... en það ætlar fullt af liði að senda inn formlegar kvartanir og vesen.. stressið í þessu unga fólki segi ég nú bara, það hefur enn tvö og hálft ár til að hækka meðaleinkunnina sína!!

Það var æðislega gaman að fá Vigdísi og co í bæinn.. við sprelluðum og borðuðum góðan mat saman og drukkum nokkra mojito að sjálfsögðu ;) Vigdís kom færandi hendi með tvo stóra kubba af íslenskum skólaosti og vænan skammt af kúlusúkki.. ummmm ;) Ég fékk reyndar smá heimþrá eftir að helginni lauk, maður saknar jú vina og ættingja oft og mikið... en þá er nú gott hvað stutt er í að ég komi landsins!! Ég hlakka svooooooo til!!

kiss kiss,
sd

Enn eitt afmælisbarnið ;)

Hún yndislega vinkona mín Maj-Britt á afmæli í dag!! Innilegar hamingjuóskir með daginn elskan mín.. vonandi ertu búin að hafa það gott í dag og góða skemmtun í kvöld, það verður örugglega æði á tónleikunum! Klaus biður að heilsa og ég sendi þér endalaus knús og kossa... miss jú!!

sd

Pabbi minn er 55 ára í dag!! :)

Til hamingju með daginn elsku besti pabbi!!

jamms.. það eiga margir afmæli í nóvember ;) annars er voða lítið að frétta.. mikið að gera í skólanum og ég hlakka til helgarinnar. Vigdís og co. nýkomnar í bæinn og ég ætla að hitta þær allar á morgun eftir skóla.. JEIII!! ;)

svo er búð að kaupa flugmiða heim í desember.. komum til landsins að kvöldi 28.des og fljúgum norður seinnipart næsta dag. Svo komum við suður aftur 4.jan og verðum fjóra daga í Reykjavíkinni.

Ó hvað ég hlakka til að koma heim!! :)

kiss kiss,
sd

Afmælisbarn dagsins!

Sigrún vinkona mín er þrítug í dag!! JEIII!! :) Velkomin á fertugsaldurinn kæra vinkona!!
kiss kiss,
sd

Takk fyrir mig! :)

jábbs, takk fyrir öll commentin, skilaboðin og hringingarnar. Það var æðislegt að heyra í svona mörgum á afmælisdaginn. Dagurinn var meiriháttar í alla staði þrátt fyrir lítil plön. Brunchinn á Europa klikkaði ekki frekar en fyrri daginn og svo skemmtilega vildi til að við rákumst á ótrúlega marga sem við þekktum, bæði á leiðinni þangað og á staðnum. Ekki mjög algengt hér í Köben. Við hittum Jens, Troels og Søren Stiller og frú (kaffifólk allt saman), svo líka Þórey og Kristínu og meira að segja Kristbjörgu frá Kaffitári.. ;) Søren sendi okkur kampavín á borðið þanning að við 'neyddumst' til að byrja að sulla í svoleiðis hádeginu ;)

Næst fórum við á Estate Coffee til að fá okkur drekkanlegt kaffi ;) Þar voru Þórey og Kristín búnar að undirbúa óvæntan glaðning.. þær komu stökkvandi á móti mér syngjandi hástöfum afmælissönginn á íslensku og inni beið enn meira kampavín og fleira samstarfsfólk til að skála með okkur. Andlit kúnnanna og gangandi vegfaranda breyttust í óttablandin spurningamerki þegar þær hófu sönginn en mér fannst hann fallegur!! ;)

Við vorum ekki lengi að klára kampavínið og þá var komið að því að kaupa afmælisgjöfina mína frá Klaus. Hann var búinn að ákveða að vega mér úr en treysti sér ekki alveg að velja það sjálfur. Við vorum ótrúlega snögg að finna rétta úrið og ég er ekkert smá ánægð með það. Svo var Klaus búinn að panta borð á æðilegum veitingastað um kvöldið.. Kong Hans Kælder.
www.konghans.dk
Ég hef sjaldan fengið jafn góðan mat eða upplifað jafn góða þjónustu... :)

Daginn eftir kom svo risastór pakki til mín með póstinum.. og ekki finnst mér það leiðinlegt ;) Ma og Pa ásamt systkinum mínum, öfum, ömmum og frænkum og frændum sendu mér þessa rosa flottu saumavél í tilefni dagsins og VÁ! hvað ég er ánægð með hana!! Hún er æðisleg, þúsund þakkir fyrir mig!! :)

Seinnipartinn í gær átti ég svo stefnumót við Sigrúnu vinkonu og Egil Orra grallara.. Þau voru á leiðinni til Íslands frá Lundi og við eyddum seinnipartinum saman.. Sigrún verður einmitt þrítug líka eftir örfáa daga þannig við skáluðum enn meira ;) og hún má nú vera stolt af Agli sínum sem var svo duglegur að eyða deginum á veitinga- og kaffihúsum með okkur!! Í lok dagsins hitti hann svo Klaus í fyrsta skipti og hreinlega stökk á hann og faðmaði.. greyið var greinilega komið með nóg af þessu kvennatali og yfir sig ánægður að sjá einhvern karlkyns ;) Litlan rófan, hann var nú orðinn þreyttur þegar ég kvaddi mæðginin á lestarstöðinni..

En í dag er annar afmælisdagur.. Hörður afi minn á afmæli í dag :) Ég viðurkenni fúslega að ég man ekkert hvað hann er gamall enda er hann alltaf ungur í anda ;) til hamingju með daginn elsku afi minn!!

Góða helgi elskurnar mínar.. hérna megin er vinnuhelgi framundan..

sd

Ennþá 29 ára ;)

jábbs.. ég á ennþá örfáa klukkutíma eftir sem 29 ára yngismær ;) en ég er smám saman að sætta mig við þetta allt saman.. Klaus er búinn að lofa mér að hann muni elska mig áfram þrátt allt saman ;)

Síðasta helgi í Osló var ferlega fín.. hafði það huggó með Hanne og hitti líka nokkra fleiri úr norsaragenginu frá því í Barcelona. Svo kom elsku besti Klaus heim í dag frá S-Afríku.. ó hvað er gott að fá hann heim aftur ;)

Planið á morgun er einfalt.. sofa út, fara svo í brunch á Café Europa..besti brunchinn í Köben er þar, dýr en bestur ;) síðan ætlum við bara eitthvað að dingla okkur um bæinn og svo er Klaus búinn að panta borð einhvers staðar um kvöldið.. semsagt bara huggulegheit frá morgni til kvölds...

ta ta..

sd - forever young..

Í fréttum er þetta helst..

Kláraði prófin á föstudaginn.. JEII! ;) Annað gekk nokkuð vel ;) en hitt ekki svo vel :( svoleiðis gerist þegar kennarinn stanglast stöðugt á því hvaða áherslur á að leggja í próflestri og svo stenst ekkert sem hann segir þegar að prófinu kemur! Pirr pirr! En í dag byrjaði svo nýr fjórðungur, tvö ný fög að komast í gang og mér líst bara vel á.. ;)

Klaus kom heim frá USA/Ítalíu á fimmtudaginn og er að fara til Suður Afríku á morgun.. búið að vera voðalega huggó að hafa hann heima nokkra daga. Honum leist samt ekkert á skapið í mér þegar hann kom heim og ég var á milljón í 'power-lestri' fyrir síðasta prófið.. he he.. það var víst eitthvað stuttur þráðurinn í stressinu ;)

Það var verið að hringja í okkur og segja upp leigusamningnum okkar :( ný íbúð óskast fyrir 1.feb takk!!

og svo er bara brostinn á skítakuldi.. pirr pirr!

sd

..sit heima hjá mér og les fyrir próf í lok október - og inn um gluggann læðist ilmur af nýslegnu grasi.. ljúft ;)

Jæja.. mér finnst nú eins og eitthvað sé farið að síast inn í hausinn á mér ;) Fyrra prófið er á þriðjudaginn og hitt á föstudaginn. Samt heill hellingur eftir að reyna að skilja enn.. andvarp !
Sé fram á fjárfestingar fljótlega í almennilegu skrifborði og stól í réttri hæð!! Breytist í kryppling með þessu áframhaldi :(

En til þess að létta lundina yfir þessu öllu saman þá keypti ég mér flugmiða til Osló, fyrstu helgina í nóvember :) Ætla að heimsækja Hanne vinkonu mína sem bjó á sama tíma og ég útí Barcelona. Það verður gaman að hitta hana aftur. Hafði alltof lítinn tíma fyrir hana þegar ég var á Nordic Cup í Osló í fyrra, þannig að nú getum við kjaftað hvor aðra í hel! ;)

Svo er ég held ég búin að afgreiða enn einn valkvíðann. Var mikið að velta mér uppúr hvað ég ætti að gera í tilefni þrítugsafmælisins... Sá það fyrir mér að ef ég skyldi halda veislu að þá þyrfti ég fyrst að koma mér almennilega fyrir í íbúðinni.. klára að taka uppúr kössunum og svoleiðis, þannig að það veislan er útúr myndinni!! ;)
En Vigdís vinkona er að leiðinni til Köben um miðjan nóvember ásamt fleiri skvísum frá Akureyri í tilefni þess að allar urðu þrítugar á árinu.. Jeii!! Þannig að ég er að hugsa um að skvetta aðeins úr klaufunum með þeim....

Hvort segir maður annars sletta eða skvetta úr klaufunum??? Ég prófaði að "googla" þetta og bæði virðist vera notað... ??

Anyways.. það er semsagt margt að hlakka til mín megin í heiminum... hvað með ykkur??

ta ta,
sd

Upplestrar "frí"

Þá er fyrsta fjórðungi úr skólaárinu lokið og rúm vika í próf... nett stress í gangi. Fyrstu prófin í nýjum skóla eru alltaf erfiðust því maður veit ekkert hverju má eiga von á. Helgin nýttist illa til lesturs þar sem ég var að vinna á kaffihúsinu þannig að nú er bara að setja í 6. gírinn. Það kemur sér "vel" að Klaus er að fara í enn eina ferðina á morgun og verður í rúma viku. Þá er hann allavega ekkert að "trufla" mig. Ég sko voða erfitt með að einbeita mér ef hann er bara eitthvað að hafa það náðugt inní stofu fyrir framan imbann... þá vil ég líka! ;) Maður er ekki þroskaðri en þetta!! ;)

Svo er smá valkvíði í gangi. Er að reyna að ákveða hvað á að gera um jólin. Ég er ekki búin í skólanum fyrr en 21.des þannig að nú er allt farið að hallast í þá átt að við förum til Jótlands yfir jólin til foreldra Klaus og komum svo heim til Íslands yfir áramótin. Svo verð ég kannski eitthvað lengur fram í janúar þar sem ég er í 6 vikna jólafríi.. Þó svo að þetta hafi upphaflega verið mín hugmynd þá finnst mér pínu erfitt að sætta mig við hana.. svona er maður ferlega vanafastur ;)

En að lokum vil ég senda hamingjuóskir til Ólafar Erlu og fjölskyldu. Við Ólöf bjuggum saman í lítilli kjallaraholu í Hvassaleitinu veturinn '98-'99... úff hvað það er langt síðan.. en í gær fæddi hún sinn annað barn, lítinn tippaling ;) Innilega til hamingju aftur Ólöf, Valli og Emma!

best að sökkva sér í lesturinn..

sd

Nordic Barista Cup 2006

hmmm.. maður er alltaf hálf blúsaður fyrstu dagana eftir að þessu móti lýkur. Það er alltaf svo ferlega gaman á meðan á því stendur...maður er umkringdur góðum vinum sem maður sér sjaldan, mikið hlegið og sprellað, drekkum gott kaffi og aðra góða drykki. Borðum góðan mat og endum helgina með ærlegu tjútti!!

Helv.. norsararnir unnu samt aftur! :( oj hvað ég var spæld.. ég hélt náttúrulega bæði með Danmörku og Íslandi.. en var samt alveg sama hver myndi vinna svo lengi sem það yrðu ekki norsararnir.. (andvarp) Í fyrra voru fyrstu verðlaun ferð fyrir liðið til Brasilíu og nú er það ferð til El Salvador... glatað þegar það er alltaf sama liðið sem fær að fara í þessar ferðir... jaháts.. ef það hefur eitthvað farið fram hjá ykkur þá er ég ferlega pirruð yfir þessu!!

En allavega.. lokakvöldið var glæsilegt 80's partý og outfittin voru hver öðru hallærislegri!! Landsliðin þurftu að skemmta gestunum með því að flytja Eurovisionlög frá þessum tíma.. Ísland sló auðvitað í gegn með Gleðibankanum.

Ég tók auðvitað fullt af myndum en eins og þið við, þá er ég skelfilega lengi að koma öllu svoleiðis á netið. Þessi heimasíða verður að duga í bili:

www.nordicbaristacup.com
(þarf bara að skrolla aðeins niður)

því miður engar myndir frá lokakvöldinu en fullt af myndum frá mótinu sjálfu sem Ken og Sarah frá Barista Magazine sáu um að dæla inná síðuna jafnóðum..

En raunveruleikinn er hafinn á ný.. verkefnavinna í fullum gangi í skólanum, regnblautt haustið mætt á svæðið og styttist í prófin... dísess kræst hvað tíminn er fljótur að líða. Kemur mér alltaf jafn mikið á óvart ;)

kiss kiss,
sd